بوجندار عزالدين / المشاهد
متابعة : رانية شهبون
مع كل طلعة شمس،كيتفاجأ المواطن المغربي بارتفاع جديد في ثمن البنزين، وكأن الأمل في الانخفاض ولى ومابقى ليه رجعة. الأسر وخصوصاً أصحاب السيارات الخاصة ،المهنيين وسائقي الطاكسيات، بداو كيحسو بالضعط على الجيب،وسط صمت حكومي كيبقى يتير التساؤلات.
ثمن اللتر في بعض المدن وصل ل13 درهم وهاد الزيادات ماشي غير كتأتر على التنقل،بل كتشعل لهيب الأسعار فكلشي: الخضر،النقل،حتى الحاجيات اليومية.
المواطن كيتساءل:واش ماكاين حتى شي إجراءات لتخفيف العبء؟ فين هي الوعود بتنظيم سوق المحروقات؟وفين هي المراقبة ديال الأرباح اللي كيديروها الشركات الكبرى؟
المغاربة اليوم مكيبغيوش غير التوضيح،كيبغيو حلول ملموسة، وسقف للثمن يقدر يواجهو بيه مصاريف الحياة اليومية،اللي كترتفع بلا سقف ولا شفقة.